Add Explanation
Add Meaning
$album_name
$date_release
$writer_name
New! Read & write lyrics explanations
  • Highlight lyrics and explain them to earn Karma points.
Linton Kwesi Johnson – Mi Revalueshanary Fren lyrics

Mi revalueshanary fren is nat di same agen
Yu know fram wen?

Fram di masses shata silence
Staat fi grumble
Fram pawty paramoncy tek a tumble
Fram Hungary to Poelan to Romania
Fram di cozy cyassle dem staat fi crumble
Wen wi buck-up wananada in a reaznin
Mi fren always en up pan di same ting
This is di sang I'm love fi sing:

Kaydar
E ad to go
Zhivkov
E ad to go
Husack
E ad to go
Honnicka
E ad to go
Cauchescu
E ad to go
Jus like apartied
Wi av to go

Awhile agoh mi fren an mi woz taakin
Soh mi seh to I'm:

What a way di eart a run nowadays, man
It gettin aada by di day
Fi know whey yu stan
Cauz wen yu tink yu deh pun salid dry lan
Wen yu cteck a stack yu fine yu ina quick-san
Yu noh notice ow di lanscape a shiff
Is like valcanoe unda it an notn cyaan stap it
Cauz tings jusa bubble an a bwoil doun below
Strata seperate an refole
An wen yu tink yu reach di mountain tap
Is a bran-new platow yu goh buck-up

Mi revalueshanary fren shake I'm ed an I'm sigh
This woz I'm reply:

Kaydar
E ad to go
Zhivkov
E ad to go
Husack
E ad to go
Honnicka
E ad to go
Cauchescu
E ad to go
Jus like apartied
Wi av to go

Well mi nevah did satisfy wid what mi fren mek reply
An fi get a deepa meanin in di reaznin
Mi seh to I'm:

Well awrite
Soh Garby gi di people dem glashnas
An it poze di Stalinist dem plenty prablem
Soh Garby leggo peristrika pan dem
Canfoundin bureacraetic strategems
But wi haffi face up to di cole facks;
I'm also open up pondora's bax
Yes, people pawa jus a showa every awa
An eyrybady claim dem demacratic
But some a wolf an some a sheep
An dat is prablematic:
Nah tings like dat yu woulda call dialectic?

Mi revalueshanary fren pauz awhile an I'm smile
Den I'm look mi in mi eye an reply:

Kaydar
E ad to go
Zhivkov
E ad to go
Husack
E ad to go
Honnicka
E ad to go
Cauchescu
E ad to go
Jus like apartied
Wi av to go

Well mi couldn elabarate
Plus it waz gettin kinda late
Soh in spite a mi lack af andastandin
Bout di meanin a di changes in di eas
Fi di wes nonediless
An aldow mi av mi rezavayshans
Bout di cansiquenses an implicashans
Espehsaally fi black libaraeshan
To bring di reaznin to a canclushan
Ah ad woz to agree wid mi fren
Hopein dat wen wi meet up wance agen
Wi coulda av a more fulla canvahsaeshan

Soh mi seh to I'm, yu know what?
I'm seh what? Mi seh:

Kaydar
E ad to go
Zhivkov
E ad to go
Husack
E ad to go
Honnicka
E ad to go
Cauchescu
E ad to go
Jus like apartied
Soon gaan



Lyrics taken from http://www.lyricsmode.com/lyrics/l/linton_kwesi_johnson/mi_revalueshanary_fren.html

  • Email
  • Correct

songmeanings

      Write about your feelings and thoughts

      Know what this song is about? Does it mean anything special hidden between the lines to you? Share your meaning with community, make it interesting and valuable. Make sure you've read our simple tips.
      U
      Min 50 words
      Not bad
      Good
      Awesome!
      This page is missing some information about the song. Please expand it to include this information. You can help by uploading artist's image, adding song structure elements, writing song meaning or creating lyrics explanation.

      Featuredlyrics

      Explain

      [an error occurred while processing the directive]